الصوت المغربي/ متابعة محمد العربي اطريبش
-الاسم : آدم افيلال مغربي تطواني من حي جامع الأمة، الشواهد المحصل عليها: إجازة في الإنسانية، ماستر في الأعمال الخيرية، دكتوراه في مساعدة الضعفاء، دكتوراه فخرية في حب الناس. إضافة إلى شواهد تقديرية من قلوب كل المغاربة. صديقي و أخي آدم.
أصالة عن نفسي و نيابة عن كل الأمهات، وكل المستضعفين، وكل التطوانيين، أقول لك وبكل فخر أن ما قمت به خلال اليومين الماضيين يعجز اللسان و الكلام عن وصفه.
مبادراتك الطيبة و طريقتك العفوية تبهرنا، حتى أصبحنا مدمنين على حائطك الفايسبوكي، وأقل ما يجب في حقك أن نعترف و ننوه بك بيننا لأننا أحببناك في الله. وأقول لك بالدارجة التي عودتنا عليها: عمو آدم مول الحانوت .. الله يزيد يحبب خلق الله فيك يا المرضي ديالنا. صديقتك و أفتخر.
بقلم انتصار العشيري
بسبب وفاة أحد الشباب في سبتة المحتلة ونظرا لظروف عائلته الاجتماعية لم يتمكنوا من جلبه إلى مدينة تطوان لدفنه، سارع الشاب آدم أفيلال (آدم مول الحانوت) وهو المعروف بمبادراته القيمة و أعماله الخيرية الجليلة لربط اتصالات ماراطونية من داخل الوطن وخارجه. و إليكم التفاصيل الكاملة كما وردت على لسانه.
بقلم آدم أفيلال
الحمد لله الملف د المرحوم سفيان الشيخ مكمول جاهز … كيف ذكرت … هاد العشية مشينا للعمالة د المضيق جبارنا تماك الصديق الحبيب زريوح فكنا تم تم و بقى معانا خارج أوقات العمل حتى عطانا الوثيقة ديانا
مشينا للفنيدق جبارنا الترجمان كايستنانا كان متبع معانا في الفايسبوك … هو كايشد في 4 الستة و هو باقي فاتح كايستنانا ؛ ترجمنا ديك الوثيقة فابور و دخولنا لسبتة عند نبيل المسؤول على الشركة د نقل الاموات و عطيناه الوثائق و مشينا فحالنا … دابا كانستناو غير يطلع الصبح باش نهبطو لسبتة نجيبوه لدارو و الله يرحمو مسكين و يوساع عليه في قبرو ..
كذلك المبلغ لي طلبوهنا لي هو 2500 € تكمل بفضل الله ؛ و غدا إن شاء الله غاتتوصل به الشركة عبر الحساب ديالا :
صديقي الفاضل الأخ سفيان د هولندا جماع 1400 € غايحاولا هاد الليلة للحساب د الشركة ..
الطبيبة التطوانية 500 € غاتحولا هاد الليلة …
واحد الصديقة من Almeria في الصبح غاتسرد 200 €..
واحد الصيدلي تطواني نزلي في الحانوت 50 € ..
واحد المساعدة صيدلية من الفنيدق عطاتني 20 €..
واحد الصديق من الفنيدق عطاني 3000 درهم ..
واحد الصديق نزلي في الحانوت 500 درهم ..
ملي كان سفيان كايجماع في هولندا بين الاصدقاء ديالو مبلغ 2500 € … كانو شي اصدقاء شافو النداء معطلين … و فوقاش ما يدخول عليا شي واحد خصو يساهم في هاد الخير كاندخول عند سفيان في الشات كانقولو جاب الله واحد 500 € جاب الله واحد 200 € و هكذا … بقينا هو كايلقاط وانا كايدخلو عليا الناس خصوم يساهمو كانقولو ها شحال عندي حتى وصالنا طلاقينا في 2500 € و حبسنا الجميع 🙂
نعم … حبسناه لاني تكلفت بالجميع د الخروج د سفيان فقط و واعدت الام ديالو بها … قلتلا انا غانخارجولك وونجيبولك حتى للدار … و يسر الله تعالى سهال في كولشي و جرالي على يدي هاد الخير نطلبو من الله يتقبل والسلام ..
طبعا … لي بغى يعطي شي حاجة للام ديالو او يجيب شي عشاء للدار د الجنازة … الدار ناعتوهالو يمشي نيشان عندوم و الله يجازيكم … حنا التطوانيين معروفين الحمد لله كانعاونو بعطنا في كولشي … و في الاصل راها سنة نبوية انك تجيب الماكلة طايبة للدار د الجنازة …
المهم اخوتي نخليكم و الله يجازيكم بخير …
المغرب/ مكتب تطوان
